နင်ဘာစထရစ်တောင် သဘာဝပတ်ဝန်းကျင် ထိန်းသိမ်းရေးဒေသ သည် ယူနက်စကို ကမ္ဘာ့အမွေအနှစ်နေရာ နှင့် ထိန်းသိမ်းစောင့်ရှောက်ထားသောဒေသ ဖြစ်ပြီး ဂီနီနိုင်ငံ နှင့် အိုင်ဗရီကို့စ်နိုင်ငံ တို့တွင် တည်ရှိသည်။ စုစုပေါင်း အကျယ်အဝန်း ဧရိယာ ၄၃,၃၄၂ ဧက (၁၇,၅၄၀ ဟက်တာ) ရှိပြီး ၃၀,၉၈၇ဧက (၁၂,၅၄၀ ဟက်တာ) မှာ ဂီနီနိုင်ငံ အတွင်း ရှိပြီး ၁၂,၃၅၅ ဧက ( ၅၀၀၀ ဟက်တာ) မှာ အိုင်ဗရီကို့စ်နိုင်ငံ အတွင်း ရှိသည်။ ထို ထိန်းသိမ်းရေး ဒေသသည် နင်ဘာတောင်တန်း၏ အဓိက အစိတ်အပိုင်းများ ပါဝင်ပြီး ပထဝီ အနေအထားအားဖြင့် ပုံမှန်မဟုတ်အောင် များပြားလာသော ဒေသရင်းအပင်များ နှင့် ဒေသရင်း တိရစ္ဆာန်များ ရှိသည့်အပြင် ထိုနေရာ တစ်ခုတည်းတွင်သာ တွေ့ရသော အကောင်လိုက်မွေးဖွားသော ဖားပြုတ်များ၊ မြင်းခွာလင်းနို့ များ စသည်တို့ ရှိသည်။ အမြင့်ဆုံးတောင်မှာ ရစ်ချတ်-မိုလဒ်တောင် ဖြစ်ပြီး ၅,၇၅၀ပေ (၁,၇၅၂ မီတာ) မျှမြင့်ကာ နိုင်ငံ နှစ်ခုစလုံးတွင် အမြင့်ဆုံးတောင် ဖြစ်သည်။
