ကိုမိုရေကန် သည် အီတလီနိုင်ငံ၊ လွန်ဘာဒီတွင် တည်ရှိသည့် ရေကန်တစ်ခု ဖြစ်သည်။ အီတလီနိုင်ငံတွင် တတိယမြောက်အကြီးဆုံး ရေကန် ဖြစ်သည်။ ဧရိယာ ၁၄၆ စတုရန်းကီလိုမီတာ (၅၆ စတုရန်းမိုင်) ကျယ်ဝန်းသည်။ ဤရေကန်ထက် ပိုမိုကြီးမားသည့် ရေကန်နှစ်ခုမှာ ဂါဒရေကန် (Lake Garda) နှင့် မက်ဂီအိုရီရေကန် (Lake Maggiore) တို့ ဖြစ်သည်။ ရေကန်၏ အနက်မှာ မီတာ ၄၀၀ ကျော် (၁၃၀၀ ပေ) နက်ပြီး ဥရောပတွင် အနက်ဆုံးသောများများထဲမှ တစ်ခုလည်း ဖြစ်သည်။ ကန်၏ အောက်ခြေမျက်နှာပြင်သည် ပင်လယ်ရေမျက်နှာပြင်အထက် ၂၀၀ မီတာ (၆၆၀ ပေ) အထက်တွင် တည်ရှိသည်။
ကိုမိုရေကန်ဆီသို့ အနုပညာနှင့်သက်ဆိုင်သည့် သူများ၊ အထင်ကရပုဂ္ဂိုလ်များ စသည်တို့ လာရောက်ကြပြီး ထင်ရှားသည့် ခရီးသွားများကို ဆွဲဆောင်ထားနိုင်သည့် နေရာတစ်ခုလည်း ဖြစ်သည်။ ထို့ပြင် ထိုဒေသ၌ များစွာသော လွင်ပြင်ဒေသများဖြစ်သည့် Olmo, Serbelloni နှင့် Carlotta စသည်တို့လည်း ရှိသည်။ ကိုမိုရေကန်၏ ကမ်းခြေတွင် ထင်ရှားကျော်ကြားသူများ၏ နေအိမ်များ တည်ရှိသည်။
ထင်ရှားသည့် ဝိသေသလက္ခဏာတစ်ခုမှာ "Y" ပုံသဏ္ဌာန် တည်ရှိခြင်း ဖြစ်သည်။ ထိုပုံစံကို “Larian တြိဂံ” ပုံစံဟုလည်း ခေါ်ဆိုကြသည်။ ထို့အပြင် မြို့ငယ်ကလေးဖြစ်သည့် ကန်ဇို (Canzo) သည် ထိုဒေသ၏ မြို့တော်အဖြစ် တည်ရှိနေသည်။
၂၀၁၄ ခုနှစ်တွင် Huffington Post သည် ထိုရေကန်ကို ကမ္ဘာ့အလှပဆုံးသော ကန်ဖြစ်သည်ဟု ပြောခဲ့သည်။
လက်တင်ဘာသာစကားဖြင့် ကန်၏ အမည်မှာ "Larius" ဖြစ်ပြီး၊ အီတလီဘာသာစကားဖြင့် "Lario" ဖြစ်သည်။ သို့သော် ဤအမည်မှာ အသုံးပြုမှုနည်းပါးပြီး Lago di Como (Lake of Como) ဟု ခေါ်ဝေါ်ကြသည်။ လမ်းညွှန်စာအုပ်များတွင် Lake Como, Lake of Como သို့မဟုတ် Como Lake ဟု ဖော်ပြလေ့ရှိကြသည်။ ဤအမည်သည် Como ဟူသည့် မြို့တော်အမည်မှ ဖြစ်ပေါ်လာခြင်း ဖြစ်ပြီး ရောမဘာသာစကားဖြင့် Comum ဟု ခေါ်သည်။
ကန်၏ ပုံသဏ္ဌာန်သည် "Y" ကို ပြောင်းပြန်လှန်ထားသည့် ပုံစံရှိသည်။ မြောက်ဘက်ပိုင်းတွင် ကိုလီကို (Colico) မြို့ ရှိပြီး အနောက်တောင်ဘက်တွင် ကိုမိုမြို့ (Como) နှင့် လက်ကိုမြို့ (Lecco) မြို့များ တည်ရှိသည်။ မြို့ငယ်လေးများ ဖြစ်ကြသည့် Bellagio, Menaggio နှင့်Lierna တို့သည် ရေကန်အား အပိုင်းသုံးပိုင်း ပိုင်းခြားထားသည့် ပုံစံဖြင့် တည်ရှိသည်။ တြိဂံပုံစံရှိသည့် လှေစီးဝန်ဆောင်မှုဖြင့် ထိုမြို့များကြားတွင် ဆောက်ရွက်ထားပေးမှုလည်း ရှိသည်။
Lake Como အတွက် ရာသီဥတု အချက်အလက်များ | |||||||||||||
---|---|---|---|---|---|---|---|---|---|---|---|---|---|
လ | ဇန်နဝါရီ | ဖေဖော်ဝါရီ | မတ် | ဧပြီ | မေ | ဇွန် | ဇူလိုင် | ဩဂုတ် | စက်တင်ဘာ | အောက်တိုဘာ | နိုဝင်ဘာ | ဒီဇင်ဘာ | နှစ် |
ပျမ်းမျှ အမြင့်ဆုံး အပူချိန် °C (°F) |
6.8 (44.2) |
9.0 (48.2) |
12.9 (55.2) |
17.2 (63) |
21.1 (70) |
25.6 (78.1) |
28.5 (83.3) |
27.2 (81) |
23.7 (74.7) |
18.1 (64.6) |
11.7 (53.1) |
7.8 (46) |
17.47 (63.45) |
နေ့စဉ် ပျမ်းမျှ °C (°F) |
3.7 (38.7) |
5.5 (41.9) |
8.8 (47.8) |
12.7 (54.9) |
16.4 (61.5) |
20.7 (69.3) |
23.4 (74.1) |
22.4 (72.3) |
18.9 (66) |
14.0 (57.2) |
8.5 (47.3) |
4.7 (40.5) |
13.31 (55.96) |
ပျမ်းမျှ အနိမ့်ဆုံး အပူချိန် °C (°F) |
0.5 (32.9) |
2.0 (35.6) |
4.8 (40.6) |
8.2 (46.8) |
11.8 (53.2) |
15.8 (60.4) |
18.2 (64.8) |
17.6 (63.7) |
14.1 (57.4) |
10.0 (50) |
5.3 (41.5) |
1.5 (34.7) |
9.15 (48.47) |
ပျမ်းမျှ ရွာကျခြင်း mm (inches) |
69 (2.72) |
76 (2.99) |
117 (4.61) |
107 (4.21) |
161 (6.34) |
134 (5.28) |
85 (3.35) |
136 (5.35) |
116 (4.57) |
125 (4.92) |
129 (5.08) |
63 (2.48) |
၁၃၁၈ (၅၁.၉) |
Source: Climate data for Como။ |
ခရီးသွားများအား ၎င်း၏ သွင်ပြင်အနေအထား၊ တောရိုင်းတိရစ္ဆာန်များ စသည်တို့သည် ဤရေကန်၏ ခရီးသွားများအား ဆွဲဆောင်မှု ဖြစ်သည်။ ထို့အပြင် ရွက်လွှင့်ခြင်း၊ စွန်လွှတ်ခြင်း၊ လေဟုန်စီးခြင်း စသည်တို့ကို ဆောင်ရွက်နိုင်သည်။
ကိုမိုရေကန်၏ ပတ်ဝန်းကျင်ဒေသများတွင် များစွာသော လယ်ကွင်းများရှိပြီး ပျားရည်၊ သံလွင်ဆီ၊ ဒိန်ခဲ၊ နွားနို့၊ ဥများ စသည်တို့ကို ထုတ်လုပ်သည်။ လည်ပတ်သူများသည် ထိုထုတ်လုပ်ရာနေရာများသို့ သွားရောက်ကြည့်ရှုနိုင်ပြီး ကိုယ်တိုင်ဝယ်ယူမှုများလည်း ပြုလုပ်နိုင်သည်။