ဘာတာလျာ ဘုန်းကြီးကျောင်း အဓိပ္ပာယ်အားဖြင့် "တိုက်ပွဲ ဘုန်းကြီးကျောင်း" သည် ပေါ်တူဂီနိုင်ငံ စန်ထရိုဒေသ အတွင်းရှိ လိုင်ရီယာခရိုင် ဘာတာလျာစည်ပင်သာယာနယ်နိမိတ် အတွင်း တည်ရှိသော ဒိုမီနီကန် ကွန်ဗင့်ကျောင်း တစ်ခု ဖြစ်သည်။ နဂိုမူလက တရားဝင် အမည်အနေဖြင့် "အောင်ပွဲရ စိန့်မေရီ၏ ဘုန်းကြီးကျောင်း" ဟု သိကြပြီး ၁၃၈၅ ခု အယ်ဂျူဘာဟိုတာ တိုက်ပွဲ အမှတ်တရ အနေဖြင့် တည်ဆောက်ခဲ့ခြင်း ဖြစ်ကာ ပေါ်တူဂီဘုရင်များမှ ၁၅ ရာစု အဗစ်ဇ်မင်းဆက်၏ မြှုပ်နှံရာ နေရာလည်း ဖြစ်သည်။ ထိုဘုန်းကြီးကျောင်းသည် ပေါ်တူဂီရှိ ဂေါသစ်နှောင်းပိုင်း ဗိသုကာပညာ၏ အကောင်းဆုံးနှင့် မူလ ဥပမာ ဖြစ်ပြီး မန်နျူရယ်လိုင်း စတိုင်လ်နှင့် ရောစပ်လျှက် ရှိသည်။