အားနက်စ် စတေ့ဗ် ဘုရားရှိခိုးကျောင်းသည် စတေ့ဗ် ဘုရားရှိခိုးကျောင်း (အနောက်မြောက် ဥရောပရှိ အလယ်ခေတ်လက်ရာ သစ်သား ဘုရားရှိခိုးကျောင်း) အမျိုးအစား ဖြစ်ပြီး နော်ဝေနိုင်ငံ ဆောင်းအော့ဂ် ဖရောင်းဒေး ကောင်တီ အတွင်းရှိ လူစတာ စည်ပင်သာယာ နယ်နိမိတ် အတွင်း အောန်း ဒေသ လူစထရာချောက်ကမ်းပါး တလျှောက်တွင် တည်ရှိသည်။ ၎င်းသည် ချောက်ကမ်းပါး၏ အရှေ့ဘက်ခြမ်းတွင် တည်ရှိပြီး ချောက်ကမ်းပါး၏ အခြားဘက်ကမ်းတွင် ဆော်လ်ဗွန်းရွာ တည်ရှိကာ ဟဖ်ဆလို ရွာ၏ အရှေ့ဘက် ၃.၁မိုင် (၅ ကီလိုမီတာ) အကွာတွင် တည်ရှိသည်။
၎င်းအား နော်ဝေနိုင်ငံ ရှေးဟောင်းအဆောက်အဦးများ ထိန်းသိမ်းစောင့်ရှောက်ရေးအဖွဲ့မှ ၁၈၈၁ ခုနှစ်မှစ၍ ပိုင်ဆိုင်ခဲ့သည်။ ၁၉၇၉ ခုနှစ်တွင် ယူနက်စကို ကမ္ဘာ့အမွေအနှစ်နေရာ အဖြစ် သတ်မှတ်ခြင်း ခံခဲ့ရသည်။