မောင့်စိန့်မိုက်ကယ် သည် ပြင်သစ်နိုင်ငံ နော်မန်ဒီဒေသရှိ ကျွန်း ဒေသ တစ်ခု ဖြစ်သည်။ ပြင်သစ်နိုင်ငံ၏ အနောက်မြောက်ဘက် ကမ်းရိုးတန်းမှ ၁ ကီလိုမီတာ အကွာတွင် တည်ရှိပြီး ကူအီနွန်မြစ်ဝ အက်ဗရန့်ချ်ဒေသ အနီးတွင် တည်ရှိကာ အရွယ်အစားအားဖြင့် ၂၄၇ ဧက (၁၀၀ ဟက်တာ) မျှ ရှိသည်။ ၂၀၀၉ ခုနှစ်တွင် ကျွန်းပေါ်တွင် နေထိုင်သူ ၄၄ ဦး ရှိသည်။
ရှေးခေတ် အခါက ထိုကျွန်းတွင် မဟာဗျူဟာ ကျသော ခံတပ်များရှိပြီး အေဒီ ၈ ရာစုနှစ်မှစကာ ခရစ်ယာန် ဘုန်းကြီးကျောင်း တည်ရှိခဲ့ပြီး ထိုမှတဆင့် ကျွန်း၏ အမည်ဖြစ်ပေါ်လာခြင်း ဖြစ်သည်။ ထိုမြို့၏ တည်ဆောက်ပုံမှာ ၎င်းကို တည်ထောင်ခဲ့သော မြေရှင်ပဒေသရာဇ်စနစ်၏ ဥပမာပင်ဖြစ်ပြီး ထိပ်ဆုံးတွင် ဘုရားသခင်၊ ဘုန်းကြီးကျောင်း တို့ ရှိပြီး ၎င်းတို့၏ အောက်တွင် ခန်းမကြီး ရှိကာ စတိုခန်းနှင့် အိမ်များလည်း ရှိသည်။ အောက်ဆုံး တံတိုင်း၏ အပြင်ဘက်တွင် တံငါသည်များနှင့် လယ်သမားများ အတွက် အိမ်များ ရှိသည်။
