ကာဟိုကီယာ တောင်ပူစာ နိုင်ငံဆိုင်ရာ သမိုင်းဝင်ဒေသ သည် ကိုလံဘီယံခေတ် မတိုင်မီက ဒေသရင်းအမေရိကန်လူမျိုးတို့၏ မြို့တော်တစ်ခု (၁၀၅၀ခုနှစ်-၁၃၅၀ ခုနှစ် အေဒီ) ဖြစ်ပြီး ယနေ့ခေတ် အမေရိကန်ပြည်ထောင်စု မစ္စစ္စပီပြည်နယ် စိန့်လူးဝစ်မြို့၏ မစ္စစ္စပီမြစ် တစ်ဖက်ခြမ်းတွင် တည်ရှိသည်။ သမိုင်းဝင်ဒေသသည် အီလီနွိုင်းပြည်နယ် တောင်ပိုင်းတွင် တည်ရှိပြီး အိစ်စိန့်လူးဝစ်မြို့ နှင့် ကောလင်းဗီးလ် မြို့တို့ ကြားတွင် တည်ရှိသည်။ ထိုဒေသသည် ၂၂၀၀ ဧက (၈၉၀ ဟက်တာ) သို့မဟုတ် ၃.၅ စတုရန်းမိုင် ( ၉ စတုရန်း ကီလိုမီတာ) မျှ ကျယ်ဝန်းပြီး တောင်ပူစာ ၈၀ ခုခန့်ရှိကာ ရှေးဟောင်းမြို့သည် ထိုထက်ပို၍ ကျယ်ဝန်းသည်။ မြို့၏ တိုးတက်ဖွံ့ဖြိုးခဲ့စဉ် အချိန်က မြို့၏ အကျယ်အဝန်းမှဦ ၆ စတုရန်းမိုင် (၁၆ စတုရန်း ကီလိုမီတာ) မျှ ကျယ်ဝန်းခဲ့ပြီး လူတို့ တည်ဆောက်သော တောင်ပူစာ အခု ၁၂၀ ခန့် ရှိကာ အရွယ်အစားအမျိုးမျိုး၊ ပုံစံအမျိုးမျိုး နှင့် လုပ်ဆောင်ချက် အမျိုးမျိုး ရှိသည်။